Faa'iidooyinka Beetroot/ Baytaraafka

Beetroot-ka waa khudrad caafimaad leh oo loo yaqaanno magacyokala duwan, sida "riddiga cas". waa mid hodan ku ah nafaqooyin kala duwan, sidoo kalena leh faa'iidooyin badan oo ku anfacaya caafimaadka iyo quruxda. Maanta waxaan idiin soo gdbinayaa qaar ka mid ah faa'iidooyinka ugu muhiimsan ee beetroot-ka, iyo sida ugu wanaagsan ee loo isticmaali karo.

1. Faa'iidooyinka caafimaadka

• Kordhinta dhiigga: Beetroot-ka wuxuu hodan ku yahay birta (iron) iyo folate, kuwaas oo caawiya sameynta unugyada cas ee dhiigga, waxaana lagu la taliyaa dadka qaba dhiig-yarida (anemia) taasoo ka caawisa dadka la ildaran dhiig-yarida inay kor u qaadaan heerka dhiigga.
• Hoos u dhigista dhiig-karka: Beetroot-ka waxaa ku jirta nitrate dabiici ah oo caawiya ballaarinta xididdada dhiigga, taasoo dhiig-karka hoos u dhigta.
• Yareynta dhiig-karka: Haddi aad qabtid dhiig-kar, cabbitaanka sharaabka/ casiirka beetroot-ka waxa uu hoos u dhiga cadaadiska dhiigga, maadaama uu leeyahay maaddooyin dabiici ah oo caawiya fidinta xididada dhiigga.
• Nadiifinta Jidhka: Beetroot-ku waa nadiifiye dabiici ah oo ka nadiifinaya jidhka gudaha kana nadiifinaya sunta iyo wasakhda ku jirta, taasoo hagaajinaysa shaqada beerka iyo kelyaha.
• Hagaajinta Dheef-shiidka: Beetroot-ka wuxuu ka kooban yahay fiber badan, kaasoo hagaajiya dheef-shiidka wuxuuna ka hortagaa calool- fadhiga. waxa kale oo uu caawiyaa ilaalinta caafimaadka mindhicirrada.
• Ka Hortagga Kansarka: Waxa uu hodan ku yahay antioxidants, sida betacyanin, taasoo caawisa jidhka inuu la dagaallamo unugyada kansarka ah, gaar ahaan kansarka mindhicirrada iyo naasaha.
• Hagaajinta Shaqada Maskaxda: Maaddooyinka nitrates-ka ku jira beetroot-ka waxay dhiiri-galiyaan wareegga dhiiga maskaxda, taasoo yareynaysa khatarta cudurrada sida waallida (dementia) iyo caawinta xusuusta & hagaajinta xusuusta.

2. Faa'iidooyinka Quruxda:

• Ka Hortagga Gabowga hore: Beetroot-ka waxaa ku jira vitamin C iyo antioxidants badan oo ka hortaga gabowga, waxayna kaa caawinayaan inaad yelato  maqaar muquqaalkisu da'yar yahay.
• Ka Hortaga xididdada iyo Calamadaha wajiga ka soo muqda: Cabitaanka beetroot-ka si joogto ah waxa uu hagaajiyaa wareegga dhiigga, taasoo ka hortagta calaamadaha xididdada dhiigga ee wajiga ka soo muuqda.
• Ka Hortagga Midabka Maqaarka oo Aan caadi ahayn ama is badala: Waxa uu leeyahay sifooyin nadiifin ah oo hagaajiya midabka maqaarka, wuxuuna yareeyaa dhibcaha madow iyo dhalan roga maqaarka.

Beetroot-ku wuxu lee yahay faa'iidooyin intaa ka badan haday noqoto caafimaadka jidhka, qurxinta, tamarta iyo faa'iidooyin kalo aad u badan. Beetroot-ku wuxu aad u gu fican yahay hooyada uurka leh iyo dadka awood yarida iyo dhiig yaridu hayso.