Faa'iidada Collagen-ta & Meelaha laga helo

Collagen: Waa nooc borotiin ah oo jidhka bini'aadamku si dabiici ah u soo saaro. waa borotiinka ugu badan ee laga helo jidhka, waana qeyb muhiim ah oo ka mid ah dhismayaasha unugyada, gaar ahaan maqaarka, lafaha, murqaha, xididada dhiigga, ilkaha, timaha iyo cidiyaha

1. Caafimaadka Maqaarka: 

• Collagen wuxuu ka hortagaa calaamadaha gabowga ee maqaarka, sida laalaabka iyo hoos u dhaca adkaysiga maqaarka wuxuna ka dhiga mid giigsan.
• Wuxuu ka caawiyaa maqaar caafimaad qaba oo jilicsan, iyadoo sidoo kale yareenaya nabarada, finanka,  iyo madowga.
• Wuxuu kicinayaa soo-saarka unugyo cusub, taasoo ka dhigaysa maqaarka mid ifaya.

2. Lafaha iyo Wadajirrada:

• Collagen waa qayb muhiim ah oo lafaha iyo wadajirrada ka dhigta kuwo xooggan.
• Wuxuu yareynayaa suurtagalnimada xanuunnada wadajirka, sida osteoarthritis.
• Wuxuu kordhiyaa dabacsanaanta wadajirka iyo awoodda dhaqaaqa.

3. Caafimaadka Timaha iyo Ciddiyaha:

• Collagen wuxuu xoojiyaa timaha isagoo ka hortagaya daadashada iyo daciifnimada timaha ku timada wuxuna siyaa dhalaal.
• Ciddiyaha wuxuu ka dhigaa kuwo si caafimaad leh u kora quruxna leh oo bilaa dildilac ah.

4. Dhismaha Murqaha: 

• Collagen waa borotiin lagama maarmaan ah oo ka qayb qaata dhismaha murqaha iyo soo celintooda.
• Wuxuu yereyn karaa daalka murqaha wuxuuna kordhiyaa awoodda jireed.

5.  Caafimaadka Caloosha:

• Collagen wuxuu ka caawiyaa caafimaadka xiidmaha iyo yareynta caabuqyada caloosha.
• Wuxuu hagaajiyaa shaqada dheefshiidka iyo nuugista nafaqooyinka.

6. Caafimaadka Wareega Dhiiga:

• Collagen wuxuu xoojiyaa darbiyada xididdada dhiigga, taasoo hagaajineysa wareegga dhiigga.
• Waxaa lagu yaqaanaa inuu yareeyo khatarta cudurrada wadnaha.

Xagee Laga Heli Karaa Collagen-ta?

1. Cuntooyinka Dabiiciga ah: 

• Cuntada maraqa lafaha.
• Kulluunka, digaagga, iyo hilibka. 
• Khudaarta iyo midhaha hodanka ku ah fitamiin C, sida liinta iyo kiwi.

2. K aabayaasha Collagen-ka: Waa budo ama kiniin loo qaato si loo khordhiyo heerarka collagen-ka ee jirka.

Talooyin Dheeri ah:

• Si aad u xoojiso soo-saarka collagen-ka, iska hubi inaad hesho fitamiinnada muhiimka ah sida fitamiin C iyo Zinc.
• Ka fogow waxyaabaha burburin kara collagen-ka sida sigaarka iyo cuntada aadka sonkortu ugu badantahay.